Mykje nytt Down Under

No er det visst veldig lenge sidan eg har skreve noko. Er ganske så travelt å bli familie på fem ...
Kan ta det i kronologisk rekkefølgje...

 Gipsfri Sverre

Sverre ved bassenget

Sverre fekk endeleg av gipsen etter berre 6 veker.
Dei hadde sagt det kom til å ta minst 8 veker-
så me var veldig heldige. Det tok ca ei veke før han torde å gå skikkeleg på foten igjen.
Det var stor stas å endeleg få bade i bassenget igjen. Og det fungerte som god trening for leggmusklane. No er han nesten som før- og spring for det meste rundt omkring.


Eksamen

26. mars (berre 3 dagar før termin) hadde eg (Hege) GAMSAT eksamen. Det var godt å endeleg bli ferdig etter så mange månader med lesing.  Eg fekk ganske mange blikk då eg trappa opp med DEN magen... men under eksamen gløymte eg magen heilt. Eksamen var ganske hard- og det var lite med tid, men det gjekk ganske bra.

Etter lang tid med lesing var det kjekt å endeleg få lit kvalitetstid saman med gutane (alle tre). På termindatoen (29. mars), var me ein tur på Movieworld. Me har hatt VIP kort her dette halvåret, og gutane elskar å vere der.

Movieworld

Movieworld

Besøk av mamma og Olav

Mt Cootha... utsikt over heile Brisbane

3. april kom mamma og Olav på besøk. Det var stor stas i heimen - og mormor skulle gjere "alt". Det passa veldig godt- sidan eg framleis ikkje hadde født... og mamma kunne hjelpe til med og ikkje minst passe gutane når babyen skulle komme. Me prøvde å vise dei litt av det Brisbane og området rundt kan tilby: Mt Cootha, Southbank, Botanical Gardens, Newfarm Park, Gold Coast, Sunshine Coast, Australia Zoo. Dei fekk seg dessutan ein tur til både Sydney og Cairns.
Trur dei likte seg... gutane var iallefall veldig glad for å ha mormor og Olav besten her.

BBQ i Newfarm park

Citycat...

Southbank

Eg og mamma dagen før igangsetting. +9 dg

Velkommen til verden, Tarjei

På ettermiddagen Fredag 8. april hadde eg time på sjukehuset for å sette igang fødselen. Det er tredje

Nyfødt Tarjei

av tre fødslar eg blir satt igang- så eg har konkludert med at eg har eit lenger svangerskap enn andre "normale". Det blei mykje venting. Ikkje mykje skjedde før kl 02.30 om natta 9 april. Då skjedde det meste ganske fort- og Tarjei kom til verda kl 04.04. Han var ein stor gut- slik som storebrødrene har vore; 4510g, 55.5 cm og 37 cm rundt hovudet. Han hadde svelgt litt fostervatn og hadde navlestrengen rundt hovudet då han kom, så han blei plassert på ICU i 4 timar før han fekk komme opp på rommet til ei utolmodig mamma.

stolt pappa

stolt mor og stolte storebrødre

Laurdag ettermiddag var det endeleg tid for besøk frå dei spente storebrødrene. Sondre tykte det var veldig stor stas, og han ville holde han heile tida. Sa det var så godt å holde han ;). Sverre derimot tok nokre blikk på Tarjei før han spurte om han snart kunne få reise heim- utan babyen. 

På veg heim frå sjukehuset

Mandag var Tarjei 2 dagar gamal, og det var på tide å reise heim til Spring Hill.
Mormor og Olav hadde tatt med seg dei to storebrødrene til Sunshinecoast nokre dagar - så det var fredeleg og godt å komme heim med ein nyfødt.
Sidan dei hadde bilen- gjekk me heim frå sjukehuset- ca 4 km...

Den første veka var ganske travel; Helge hadde nemleg 1 innlevering og 3 eksamenar. Han klarte det imponerande bra til å være nybakt pappa underernært på søvn.

Tarjei er ganske lik Sverre...har til og med Hellenyvene ;)

1 mnd og veldig sterk!!

 Tarjei er ein ganske behageleg liten baby-

Nusseleg Tarjei med bamsen sin (1 mnd)

han søv mykje bedre enn storebrødrene har gjort då dei var på same alder. Han har td hatt fleire netter der han søv 6 timar i strekk. Han er flink å ete- og har matvett. Då han var 5 veker byrja han å smile...og kjem rett som det er med eit stort smil. Hærleg alder... og bratt utviklingskurve.

Begge storebrødrene er veldig interresert i han no; Sondre er flink å vogge han i stolen, medan Sverre vil kose masse med han.

No gledar me oss veldig til å vise han fram til venner og familie i Norge.

17 mai i Brisbane

17. mai feira me saman med mange andre nordmenn på skulen til Helge, QUT.  Det er visst den største feiringa av nasjonaldagen utanfor skandinavia. Fyrst gjekk me i tog gjennom Brisbane og Botanisk Hage, før det blei servering av Pølser og Vaffler med Brunost på QUT. Dei hadde og organiserte leikar for ungane. Det var ein anleis feiring enn me er vande til - utan bunad og rømmegraut, men veldig koseleg å feire landet vårt og det å være nordmann!

Nesten heile familien i finstasen... Tarjei søv i vogna

Eg og Tarjei

Helge, Sondre og Sverre på veg til byen...

Sondre tykkjer det er stor stas med politi..

           



















       

Sverre 3 år- 19 mai

Den vesle guten vår, Sverre, er visst ikkje så liten lenger- tenk at han er heile 3 år gamal.  
Det blei feiring med Sjørøver-fest saman med dei 6 små kompisane i nabolaget. Mamma hadde laga sjørøverskip kake og det var skattejakt. Ein travel dag, og bursdagsbarnet sovna fort den kvelden.

Bursdags-sjørøveren på leit etter skatten.

Storebror Sondre

Sjokolade-Piratskip, med blå gele rundt...og masse godte-krokkodiller

Roadtrip til Byron Bay, Ballina og Coffs Harbour

Forrige helg la me ut på den første litt lange turen som trebarnsfamilie. Destinasjonen var Coffs Harbour. Der besøkte me Audhild, Louis og dei fire gutane deira som for tida bur i Singapore, men er i Australia på ferie. 

Heile gjengen i bilen...

Me delte opp turen i fire...og køyde ca 200 km kvar dag. Det var nok- med tre stk gutar i baksetet.
Det blei mange stopp, men det gjekk relativt bra mesteparten av turen. 

Første stopp var The Lighthouse i Byron Bay og Australia´s østligaste punkt.

The Lighthouse

Heile familien ved det østlegaste punktet i Australia

 Etter middag i Byron Bay køyrde me til Ballina- der me overnatta. 

Dagen etter køyrde me til Coffs Harbour, åt lunsj på Yachtklubben nede ved stranda før me vende nasen mot Audhild og Louis sitt ferieparadis. Etter 1 1/2 time køyring vestover kom me fram. Mora til Louis har ein veldig koseleg plass ute på landet, med flott utsikt og masse natur. Det hoppa til og med kenguruar rundt framfor bilen. Eg blei fortalt om eit titals forskjellege slange typar som budde i området...men fekk heldigvis ikkje sjå nokre. Dei sju gutane våre (eit framtidig fotball lag?) hadde det veldig kjekt i lag, og det var trist då me måtte reise heimover allerede dagen etterpå. 

Nydelege åsar

 

"Stjernekikking" på morgonen!!!

På tur i Bushen

 

To gode venner- Sondre og Jacob

Louis laga english muffins til frokost- Luksus!

                                                  








                   

No er det berre 5 veker til me reiser heim. Jammen har dette halvåret gått fort...og det er litt trist det er over. Men me har fått opplevd veldig mykje, møtt mange nye folk og ikkje minst fått mykje kvalitetstid saman med gutane våre.

 Det skal bli kjekt å komme heim å møte alle igjen.

2 motiverte studentar, barnehagestart og besøk frå Norge

Eit lite "bilde-blogg-innlegg" ;)

Dette blir eit kort bildeinnlegg. Mykje som skjer dei neste vekene....og veldig lite tid igjen. Eksamen min er berre 11 dagar unda, og termin er om 14 dagar... 

Me sjonglerar all tid, slik at me begge skal få studert nok... men prøver alikevel å få til litt kvalitetstid med gutane. Bildet ovanfor er tatt då me grilla pølser på South Bank. Skal ikkje så mykje til for at det blir litt kvalitetstid ;). Gutane møtte meg etter bibloteket stengte ein søndag...og me fekk utnytta den dagen og.  

No er Helge i full gang med studiane og. Ein veldig motivert student. Imponerer meg stort ved at han les forelesningsnotata FØR forelesning! Slik skal det gjerast. Bilda under er frå første "skuledag". Det var nydeleg vær då han gjekk på skulen- men regna "litt" på veg heim. 

Første skuledag på QUT

Eg og gutane på båten på veg til "Coochiemudlo Island"


 Tur til Coochiemudlo Island

Kim (studieveninne av Hege) og dottera, Taylah kom ned til Brisbane nokre dagar. Den eine dagen tok dei meg og gutane med til øya Coochiemudlo, som ligg berre 15 min med båt frå Celveland. Veldig kjekt for Sverre å gjere noko anna enn å sitte i vogn og leike inne. Det var veldig stas å køyre båt og sjå (!!) etter delfinar og haiar. Trur ikkje det finnst så mange av dei der- men artig å sjå etter dei...

Kim, Taylah og eg

Helge må "vere føtene" til Sverre rundt på likeplassen

Sverre

Sverre har no hatt på gipsen på i 5 veker- og er heldigvis litt bedre til mot no.  Han akar seg rundt på rompa og har prøvd ein del ganger å gå på gipsen, men han endar opp med å sei "Det er litt vanskelig..." stakkars liten. Me håpar han  slepp å ha den på i 8 heile veker- men me får sjå korleis det går på kontrollen på tirsdag. Kryssar fingrane!

Sverre

Sondre

Sondre skal faktisk begynne i barnehagen i dag. Blei veldig masse styr å få han inn på skulen for berre nokre måander. Det er berre 4 og 5 åringar på han sin avdeling, og det virkar som det er ein del pedagogisk opplegg. Trur det blir veldig bra for han å gjere noko utan oss nokre dagar i veka. Han kjem nok til å lære engelsk litt fortare og... Nabo og Kompis, George, går i same barnehagen- så håpar me får ein lett innkjøring.  Under ser du tøffingen Sondre som legg hovudet inni den store krokodille munnen.

Tante Susanne og Sverre klappar kenguru på Australia Zoo

Besøk av Susanne

Forrige fredag kom Susanne (og Victoria) på besøk... Dei er på ein skikkeleg rundtur og har sett mykje her i Australia allerede. Cairns, Whitsundays, Frasier ol. Torsdag reiser dei vidare til Sydney og Melbourne, deretter ventar New Zealand og Asia. Det har vore utruleg kjekt å ha Tante Susanne og veslesysta mi på besøk! Sondre har ma fått vist fram svømmekunstene sine til ei måpande tante. Medan eg har fått klemt inn masse kvalitetstid med ho: (kan mellom anna nevne) Gold class movies (kino med lenestolar og servering medan kinoen pågår), Surfers Paradise, Australia Zoo, BBQ på South Bank, shopping...

Tur til Surfers Paradise

Nesten like stor mage som elefantane- veke 38!

Eg og "fisken- Sondre" i bassenget

Neste gang eg skriv er forhåpentleg det litt rolegare...dersom me får ein sovebaby denne gangen (tvilar jo litt sidan eg frå før har fått 100% babyar som søv mindre enn 10 timar i døgnet og vil ha mat kvar time). Men fødsel og eksamen er i hvertfall ferdig då...

WISH US LUCK!

Flytting til Spring Hill, kvardag...og besøk frå Norge

Utsikten frå veranden vår...basseng og stor plen til fotball

Ja no har me endeleg fått oss ein plass å bu. Me bur no nesten midt i Brisbane- berre 10 min å gå ned til Queen street mall (for dei som er litt kjente). Og ja- me bur oppe på ein "Hill" (=bakketopp) ...pga flaumen tenkte me det var like greit å bu litt høgt oppe. Leiligheiten me bur i var ferdig møblert og komplekset den ligg i har både inngjerda basseng og bbq område. Helge og gutane er i bassenget opptil 3 gangar dagleg... Dei to minste  er vortne utruleg lite redde i vatnet og Sondre søm no lett utan hjelp. Sverre likar å ha på seg baderingen... men han klarer å sømje viss han vil! Men me har god tid- så stressar ikkje.

Her feirar me at me har fått oss plass og bu ;)

 Kvardagen

Klar for første dag på biblioteket...

Endeleg har det vorte litt kvardagar her- blir nemleg veldig slitsomt å vere på ferie og leve i koffert. Matvanane blir heller ikkje kjempegode... Men no er me tilbake til kvardagen med skikkelege middagar (dvs norsk bondekost med poteter og grønnsaker) og nokonlunde faste tider på måltid.

Stas med både Koala...

Eg er endeleg kommen skikkeleg i gang med lesinga til eksamen og prøver å være på biblioteket 4-5 fulle dagar i veka.  Det går i Organisk Kjemi, Physikk og litt Kjemi. Biologi og Biokjemi skal eg jo kunne i teorien...så det får eg ta til slutt;)
Helge er kjempeflink å aktivisera gutane, og det er godt for meg å vite at dei har det kjekt. Då får eg ikkje så dårleg samvit...

Dei tre gutane mine har vore land og strand dei siste vekene; Lone Pine Koala Sanktuary der dei klappa både Koala og Kenguru. Me har skaffa oss VIP-card på tre store fornøyelsesparkar som ligg 30 min -  1 time å køyre frå oss. Movieworld har mange Hollywoodinspirerte attraksjonar og mange kjente tegneseriefigurar gutane kan helse på. Wetn´wild er ein heilt fantastisk vannpark med vannsklier og aktivitetar for store og små (men veldig få

...Og kenguru

Dei fine gutane mine i bassenget!

for gravide :( Aquadrop var Helge og Knut Eriks favoritt (blei kvalme når dei tok han) Dei stod i eit glasbur 30m over bakken og golvet dei stod på forsvann. Fyk så i ein sylinder rett ned og inn i ein loop.. Kan kanskje skjønne at gravide ikkje får lov til akkurat denne :) Seaworld har delfinar, haiar, sjørøvershow og mykje anna kult for småe gutar...og store gutar. Dei har dessutan vore og sjekka ut mange lokale leikeparkar, symjeparkar (som det er veldig mange av), 4D-kino og sjølvsagt strender og bølger.

Me driv for øvrig og prøver å få Sondre inn på Prep- dvs første året på skulen. Trur han er klar for det. Sverre skal me søke inn i ein barnehage som ligg rett rundt hjørnet. Forhåpentligvis har vi alt klart til Helge skal begynne å studere for fullt i slutten av februar.

Kjekt med besøk frå Norge

Tidleg om morgonen fredag 21 januar var Helge 

Gutane samla ved BBQ-en

på flyplassen og henta Knut Erik, Ingebjørg og Atle + Ingebjørg (mor til Knut E) og hennar samboer, Thorleif.

Kjempekjekt å få besøk frå Norge- dei hadde med seg både norsk-engelsk ordbok, skøyteledning til alle dei norske stikkontaktane våre og makrell i tomat ;). Dei var ganske jet-lagged dei første dagane- og me prøvde så godt me kunne å holde dei vakne. Den fyrste dagen blei det bading, litt omvisning i byen og om kvelden hadde me BBQ nede ved bassenget. 

Det var veldig kjekt for Sondre og Sverre å leike med Atle og det blei mange kjekke dagar med mange forskjellege aktivitetar. Me var mellom anna på Wet`n wild, Seaworld, Surfers Paradise, South Bank... Og ikkje minst hadde me ein skikkeleg Ozzie BBQ i Roma street parklands

Nam nam...ozzie burge

saman med Fiona og Rob. Ozzie BBQ (for dei som ikkje veit det) består av steik, steikt egg, ananas, salat, mais og rødbetar....Veit ikkje om maten fekk den oppmerksomheita den skulle...det var nemleg veldig mange "water-dragons" som gjekk rundt bordet og venta på at me skulle miste noko på bakken. Og for ikkje å snakke om fuglane som sat på greinene over bordet...

Gjestene våre reiste og oppover kysten (Sunshine Coast) og besøkte Australia Zoo.

Ozzie BBQ...i Roma Street Parklands saman med Fiona & Rob

Nokre bilder frå Wet´n Wild...

Helge og Knut Erik var nok dei mest aktive i dei store, skumle skliene

Go-guten Sverre kosar seg

Atle og Sondre leikar sjørøverar

Nokre bilder frå bassenget:

Gutane samla i bassenget..for 2 eller 3 gang for dagen?!?

Sverre; "One, Two, Three- Go!"....så dukkar han under

Sondre dukkar heilt ned på botnen på 1.6 m no!!

Atle utvikla seg og veldig dei 10 dagane han var her.

Nokre bilder frå Seaworld:

Roadtrip til Caloundra

På forrige laurdag tok eg fri frå studiane- me pakka ned ferske pizzahorn, melon og vatn og vende nasen nordover mot Sunshine coast. Me kom ikkje lenger enn Caloundra denne gangen. Der var det nydelege strender med passeleg lite folk... og dei hadde ein fin scrappebutikk ;).  Så eg var der ein liten runde medan gutane herja ifrå seg litt på stranda. Som de kanskje skjønnar har me kjøpt oss camera som er vanntett...så Helge  driv og testar det ut ;). Mange tøffe bilder ein kan ta i nærheiten av vatn...eller under vatn.  

Sondre in "the surf"...

My lifeguard

                         

Eit kosebilde av meg og Sverre

 

Beinbrudd...

Dagen før eg skulle legge ut bloggen...så brakk stakkars, lille Sverre foten. Helge hadde med gutane i ein leikepark i Hamilton. Sverre var uheldig då han skulle klatre ned igjen frå eit klatrestativ...og mista taket med føtene. Han hoppa ned ca 1 meter og landa på ganske mjukt underlag. Legane på sjukehuset seier han nok vridde foten medan han landa. Leggen blei hverken blå eller hoven- så me trudde det berre var ein forstuelse. Me gav han smertestillande og la is på foten- men ingenting hjalp. Me reiste til Emergency, og fekk etter kvart bekrefta at leggen var broten. Me måtte overnatte på akutten for at dei skulle følge med på ein evt. hevelse som kunne komme. Sverre hadde fått morfin, og sov ganske godt....det var verre med meg. (Ein del lydar ein ikkje er vand med når ein skal sove. ) Dei neste 8 vekene blir nok utfordrande... Å holde ein så aktiv og sprudlande gut i ro- helst med foten høgt heva. Dei første dagane har han vore veldig oppgidd over at han ikkje kan gå og leike. Han trur han aldri kan gjere dette igjen, stakkar. Desutan er doktorer dumme ! (Likte ikkje å bli stukken i armen når han allerede hadde så vondt i foten) Wish us luck!

Liten gut på "skummelt" sjukehus...